ابنتي الحبيبة الغالية سيـــريـــن
أهلا ومرحبا بك في عالمنا الجميل
انتظرتك أنا وأمك طيلة تسعة أشهر
كنا نحلم كل ليلة بك منذ أن علمنا أنك سيرين وأنت في شهرك الخامس قبل الولادة
بدأنا في انتظار نزولك إلينا منذ بداية الشهر التاسع وننتظرك يوما بعد يوم
حتى بدأت آلام الولادة صباح يوم
19-1-2010 الثلاثاء
أقف بجوار والدتك لأعينها على ماتلاقيه في مثل هذه اللحظات
متمنيا لها السلامة ومتشوقا لرؤيتك وحملك على ذراعي
وبعد صلاة المغرب يوم الأربعاء والتي كان فيها كل الدعاء لكما
ظللت أدعوا لوالدتك بالسلامة بعدما أدخلناها غرفة الولادة وهي في غاية التألم
وبعدها ذهبت لأحضر شنطة ملابسك التي أعددتها والدتك لك من الغرفة رقم 205 في المستشفى
وعندما عدت بشرني جدك محمود بك وقال أبلغتنا الممرضة بمولودة أنثى جميلة
وكان ذلك عند السادسة والنصف من مساء يوم
الأربعاء 20-1-2010
فرحت كثيرا كثيرا ولكن كنت مازلت قلقا على والدتك الحبيبة
وما هي إلا دقائق وظهرت الممرضة وهي تحملك إلينا
قبلتك وأنت في يد جدتك ولم أستطع أن أحملك خوفا عليك
وبفضل الله خرجت أمك بالسلامة إلينا أيضا بعد نصف ساعة تقريبا
وكانت مازالت تحت تأثير المخدر الكلي
وهنا اتصلت بجدك وجدتك في الإمارات لإبلاغهما بالخبر السعيد
وفي نهاية اليوم رجعنا إلى منزل جدك لتقضي هناك أيامك الأولى
وزارنا في المستشفى عمك محمد نور وزوجته سارة
التي كانت على موعد بالولادة بعد أمك بعشرة أيام
لتنجب صديقتك حبيبة
ابنتي الحبيبة سيــريــن
آمل من الله تعالى أن يكون قدومك قدوم خير وبركة علينا وعلى أمة الإسلام
ابنتي الحبيبة سيــريــن
لقد تعبت والدتك كثيرا أثناء حملك وولادتك ومازالت فكوني لها خير بنت كما كانت لك خير أم
ابنتي الحبيبة سيــريــن
اجتهدنا في اختيار اسمك فاسأل الله أن يجعل لك نصيبا من اسمك
ابنتي الحبيبة سيــريــن
..................................................................
أريد أن أحكي لك الكثير والكثير
ولكن أهم شئ أريد أن أوصيك به هو أمك ثم أمك ثم أمك
7 comments:
حبيبتي سيرين أحمد انا عمو محمود قطب نفسي اشوفك جدا وحبيتك جدا من ساعة لما بابا قلي انه في انتظار مولودته الأولى سيرين
ومشتاقين لرؤياك بس ان شاء الله أول ما تروحي البيت
ووعد مني انه اول ما تكبري شوية هقعد احكيلك مذكرات بابا بالتفصيل وأد ايه بابا كان بيحب المذاكرة والعلم ومكنش بيفوت محاضرة وكان بيذاكر من أول السنة مش زي الناس الوحشين اللي كانه بيذاكروا اخر تلت ايام قبل الامتحان وكل الكلام ده معايه بالصور ههههههههههههه
واخيرا حمدا لله على سلامة وصولك حبيبتي سيرين ونسأل الله أن يجعل لكي من اسمك نصيب وان يبارك فيكي ويجعلكي قرة عين لاباكي وامك وينفع بكي الاسلام والمسلمين
حبيبتى سيرين
كلللللللنا كنا فى إنتظار قدومك وتشرفيك للدنيا ..
بجد عينى دمعت من حكى بابا عنك وليكى ..
بجد يا سيري بكن فى غاية السعادة وأنا شايلاكى أو بلاعبك
يلا عقبال ما تكبرى كده هسرح لك شعرك وأخرجك وبإذن الله هخليكى مبسووووطة جدااااا
ربنا يجعلك قرة عين له ولماما ولخالتو كمان ولعمتو عشان مش تزعل :D
ست سيرين
حمد الله على السلامة ويعلم الله فرحتنا بيكى أد ايه
طبعا انا لسه ما شوفتكيش وغالبا مع اجتماعياتى المتميزة فغالبا هاشوفك فى فرحك مش قبل كده لو كنت لسه عايش
(:
وطبعا بعيد عن النقاش المستمر بينى وبين والدك حول الاسم فإنى فعلا سعيد باسمك المميز وأراه اسم جميل ونادر
اتمنى لك عمر مديد وحياة سعيدة وان يجعلك الله قرة عين لوالديكى ويحفظهما لك ويحفظك لهما
توصية أخيرة من عمو جعلونى اتعلمى من بابا كل حاجة لانه كل حاجاته جميلة ما عدا حاجة واحدة هى عبارة
"عييييييييب علييييييييك" ولما تكبرى يبقى هوا يحكى لك عن التفاصيل
بنحبك يا سيرييييين
حمد الله على السلامه يا سيرين
أنا مش بعرف أتكلم كتير زي خالتو زهرة بس بجد أنا بحبك اوي ونفسي لما تكبرى أعلمك كل الحاجات الجميلة عشان تطلعي زي ماما
وماشاء الله من أول أيامك باين عليكي شخصيتك قويه ومحدش يقدر يأثر عليكي حتى لو كان مين
ربنا يحميكي ويجعلك قرة عين لبابا وماما وخالتو كمان وينفع بيكي الإسلام والمسلمين
:)
سيرين غاليتي
ربنا يحميكي ويحقظك
ويجعلك قرة عين لأمك وابيكي
وماتتعبيهومش ابدا ابدا
مستنياكي لما تكبري شويه صغننين عشان تقوليلي يا خالتوا
الي هتبقى طالعه منك زي العسل
انتى وحبيبه بإذن الله
ربنا يحفظكو
وينبتكم نباتا حسنا
احم احم
طبعا بنتأسف يا استاذه سيرين ان احنا جينا نبارك في المدونه متأخر شويه ودي لاسباب فنيه بابا عارفها كويس
عموما نورت الدنيا كلها
الف مبروك يا حماده
تتربي في عزك يا باشا
بورك في الموهوب وشكرت الواهب ورزقت بره وبلغ اشده
وعقبال لما تشوفها عروسه وطبعا انت عارف هتجوزها لمين!!!!!!
thx
كشف تسربات المياة
غسيل خزانات
شركة نظافة عامة
Post a Comment